ഒരു ക്ഷണക്കത്ത്

വെള്ളപൂശിപ്പുതുക്കിയഷാപ്പിലെ-
ക്കള്ളുമോന്തിയ സര്‍വ്വകുടിയരും
ഒത്തുകൂടാനൊരുങ്ങുകയായിതാ
പുത്തനാമൊരുവര്‍ഷപ്പുലരിയില്

‍പണ്ടുകാലത്തു നിത്യമിവിടന്നു
മുണ്ടുമൂടിപ്പുതച്ചുകുടിച്ചവര്
‍വേലചെയ്തുദിനവും കുടിച്ചിട്ടു
കാലമാകാതെ ദേഹം വെടിഞ്ഞവര്

‍അക്കുടിയര്‍തന്‍ പേരിലായ്‌ തീര്‍ത്തതാ-
മിക്കടയുടെയുദ്ഘാടനമതും
അന്നുതന്നെ നടത്തുവാനാവുകില്‍
നന്നിതെന്നുനിനച്ചു ഞാന്‍ കൂട്ടരേ

കുറ്റമേറെയുണ്ടെങ്കിലും പണ്ടത്തെ
പറ്റുകാരനാണെന്ന നിലയിലായ്‌
നിങ്ങള്‍തന്‍ മഹനീയമാം സാന്നിദ്ധ്യ-
മിങ്ങുനല്‍കുവാന്‍ സാദരമോര്‍ക്കണം

ഇല്ലൊരുകുപ്പികള്ളുമോന്തീടുവാന്‍
തെല്ലുപോലും വക ചിലര്‍ക്കെങ്കിലും
വേണ്ടപോലെയവരെസ്സഹായിയ്ക്കാന്‍
കണ്ടു ഞാനീയവസരം നല്ലതായ്‌

പറ്റുതീര്‍ക്കണം പണ്ടത്തെയൊക്കെ കൈ-
പ്പറ്റിടേണം രസീതുകള്‍ കൂട്ടരേ
ഷാപ്പുടമയാം ഗോവിന്ദനെന്ന ഞാന്
‍ഒപ്പുവച്ചിതാശംസകള്‍ നേരുന്നു